Этнаграфічны аспект у экспазіцыях музеяў гарадоў беларускага Палесся

Abstract

Аўтар разглядае экспазіцыйныя комплексы асобных музеяў у гарадах Беларускага Палесся, прысвечаныя этнаграфічнай тэматыцы. У артыкуле зроблены аналіз характару музейнага збора, прасочаны асаблівасці паказу розных бакоў традыцыйнай культуры беларусаў, адзначаны акалічнасці ў фарміраванні экспазіцыйных комплексаў розных рэгіёнаў Палесся. У выніку праведзенага даследавання зроблены вывад аб вялікай значнасці і ролі, якую выконваюць разгледжаныя ўстановы культуры ў захаванні культурных здабыткаў беларускага народа.