Палітыка Савецкай Расіі адносна Беларусі і Украіны ў першы год бальшавіцкай дыктатуры: паралелі і разыходжанні.

Abstract

Урад Савецкай Расіі пачынаў сваю палітыку адносна Ўкраіны і Беларусі па агульным сцэнарыі, асноўнай ідэяй якога было растварэнне нацыянальных арганізацый у сістэме саветаў. Правал гэтага сцэнарыя ў снежні 1917 г. і розны характар сацыяльнай апоры бальшавікоў ва Ўкраіне і Беларусі прымусіў ленінскі ўрад прыняць асобныя варыянты палітыкі на ўкраінскім і беларускім накірунках. З вясны 1918 г. да фактараў, вызначаўшых разыходжанні ў гэтай палітыцы, далучыўся неаднолькавы юрыдычны статус Украіны і Беларусі ва ўмовах германскай акупацыі. Аднак інструментальны характар беларускай і ўкраінскай палітыкі Савецкай Расіі не змяніўся.