Паэтыка жанру апавядання Віктара Філімонавіча Карамазава «Жанчына ў чорным і Афган»

Abstract

Артыкул прысвечаны пытанням паэтыкі жанру апавядання В. Ф. Карамазава «Жанчына ў чорным і Афган». Мэта – акрэсліць і прааналізаваць адметныя рысы жанру названага апавядання. Навізна работы заключаецца ў тым, што, як правіла, у айчынным літаратуразнаўстве і крытыцы, творчасць В. Ф. Карамазава вывучаецца з пункту гледжання ідэйна-тэматычнай скіраванасці, а пытанні паэтыкі яго твораў застаюцца па-за ўвагай. Аналіз дазваляе зрабіць выснову, што апавяданне В. Ф. Карамазава ўтрымлівае ў сабе структурны інварыянт, які дазваляе аднесці твор «Жанчына ў чорным і Афган» да жанру апавядання. Аднак гэты структурны інварыянт мае пэўнае вар‟іраванне, якое пацвярджае некананічны статус жанру апавядання, і праяўляецца ў збліжэнні яго з жанрам навелы.