Аўтэнтычны фальклор як крыніца патрыятычнага выхавання студэнцкай моладзі

Abstract

Клопаты аб захаванні і развіцці духоўнай культуры беларускага народа – прыярытэтны напрамак дзяржаўнай палітыкі ў галіне ідэалагічнай і выхаваўчай работы. Менавіта з выхаваннем духоўнасці звязана станаўленне дзяржаўнасці, а высокі ўзровень развіцця культуры – важная ўмова выхавання грамадзяніна-патрыёта, які павінен ведаць традыцыі, абрады, звычаі і песні сваіх продкаў і захоўваць іх як культурную спадчыну. «Патрыятызм – гэта сфарміраваная скіраванасць асобы адносна сваёй Радзімы – месца, дзе нарадзіўся і вырас чалавек, а іншы раз і Айчыны як сацыяльнапалітычнай з’явы, звязанай з грамадскімі адносінамі, палітычным і эканамічным ладам, гісторыяй, канкрэтным прыродным, матэрыяльным і сацыякультурным асяроддзем» [2, с. 117].