Культурная траўма постсавецкага часу (паводле кнігі С. Алексіевіч «Час сэканд-хэнд»

Abstract

Кніга Святланы Алексіевіч «Час сэканд-хэнд»стала адной з самых яркіх падзей літаратурнага жыцця краіны апошніх гадоў. Жанр, у якім піша свае творы пісьменніца, дазваляе закрануць глыбінныя пытанні чалавечага існавання, не звяртаючыся пры гэтым да прыёмаў стварэння альтэрнатыўнай рэальнасці. Рамкі нон-фікшн абмежаваныя дакладнасцю фактаў, аўтар не мае права на выдумку. Нягледзячы на такое абмежаванне, нявыдуманая літаратура карыстаецца ўсё большай папулярнасцю дзякуючы менавіта тым праблемам, якія яна можа ўзняць на падставе звароту да рэальных падзей. Гэта адвечныя пытанні дабра і зла, жыцця і смерці, сэнсу існавання чалавека, яго маральнага выбару, псіхалагічныя і культурныя траўмы. Пошукі адказаў на гэтыя пытанні і ажыццяўляе Святлана Алексіевіч у сваёй кнізе.