Праблематыка аповесці В. Гігевіча «Карабель»

Abstract

У дадзеным артыкуле разглядаецца аповесць Васіля Гігевіча «Карабель». Мэта даследавання – вылучыць і прааналізаваць філасофскія і маральныя праблемы, якія закранае пісьменнік у творы. Навізна працы – у своеасаблівым поглядзе на фантастыку В. Гігевіча: падкрэсліваецца філасофская скіраванасць прозы аўтара. Таксама трэба адзначыць тое, што творчасць В. Гігевіча амаль не даследаваная айчынным літаратуразнаўствам. Пісьменнік адлюстроўвае адмоўныя з’явы, працэсы ў савецкім соцыуме. Малюе становішча чалавека ў таталітарнай дзяржаве. Такі чалавек, на думку пісьменніка, перастае клапаціцца аб іншых людзях, забывае аб адвечных маральных каштоўнасцях. Закранаючы шматлікія грамадскія праблемы, В. Гігевіч набліжаецца да глыбокага псіхалагічнага і рэалістычнага адлюстравання рэчаіснасці.