Праблема нацыянальнай ідэнтыфікацыі ХІХ стагоддзя ў творах В. Дунін-Марцінкевіча

Abstract

У артыкуле праз аналіз мастацкіх і публіцыстычных твораў заснавальніка прафесійнай беларускай літаратуры і тэатра Вінцэнта Дунін-Марцінкевіча (1808–1884), яго аднадумцаў і апанентаў зроблена спроба выявіць існаваўшыя ў XIX ст. праблемы нацыянальнай ідэнтыфікацыі самога паэта і яго атачэння, іх погляды, а таксама прааналізаваць выкліканую кнігамі паэта дыскусію аб прыродзе беларускага народа і мовы. Аб’ект даследавання: моўная, культурная і палітычная сітуацыя на землях Беларусі ў XIX ст. як перадумовы фарміравання беларускай нацыі. Прадмет даследавання: літаратурныя і публіцыстычныя творы В. Дунін-Марцінкевіча, яго асяроддзя і апанентаў, у якіх знайшло адлюстраванне бачанне аўтарамі гісторыі, сучаснасці і будучага беларускага народа (у агульным) і беларускай мовы і літаратуры (у прыватнасці).