Герой-ахвяра ў творчасці І. Шамякіна 1990-х гадоў (на прыкладзе аповесцей «Без пакаяння» і «Завіхрэнне»)

Abstract

У артыкуле на пракладзе аповесцяў «Без пакаяння» і «Завіхрэнне» народнага пісьменніка БССР Івана Шамякіна разглядаюцца вобразы герояў-ахвяраў. У першай пісьменнік выносіць прысуд тагачаснаму грамадска-палітычнаму ладу, адмаўляючы яму ў будучыні. Пісьменнік падкрэслівае, што грамадства 90-х гадоў ХХ стагоддзя, у якім назіраецца відавочнае падзенне маралі, аддалілася ад разумення каштоўнасці чалавечага жыцця. У другой аповесці героі становяцца ахвярамі абставін, «злачынцамі паняволі», але пісьменнік праз глыбокае раскрыццё філасофскіх праблем (пакарання, даравання, кахання, граху, волі, помсты, выбару) даводзіць выключную важнасць захавання чалавечага ў чалавеку, а таксама паказвае як стваральную, так і разбуральную моц стэрэатыпаў грамадства ў іх уздзеянні на асобу.