Элементы гістарычнай рабінзанады ў мастацкай інтэрпрэтацыі Л. Рублеўскай і А. Асіпенкі

Abstract

Аўтар артыкула звяртаецца да гістарычнай рабінзанады, элементы якой назіраюцца ў раманах А. Асіпенкі “Святыя грэшнікі” і “Гульня ў Альбарутэнію” Л. Рублеўскай. Зроблена выснова, што абодва творы маюць сінтэтычную жанравую структуру. Роля чужароднага асяроддзя тут адведзена чалавечаму грамадству мінулых эпох, а асноўны прыём – перамяшчэнне герояў у часе. Аднак персанажы беларускіх твораў не ставяць перад сабой мэтаў пераўтварэння тэхнічнай і гаспадарчай часткі жыцця грамадства ў мінулым, што характэрна для гістарычнай рабінзанады. Перш за ўсё іх хвалюе духоўны аспект, барацьба за справядлівасць.