Вобразнае ўяўленне аб увазе ў фразеалагізмах з кампанентам “вочы” ў мове твораў Янкі Купалы

Abstract

У артыкуле на матэрыяле выяўленых фразеалагізмаў мовы твораў Янкі Купалы з кампанентам вочы, што адлюстроўваюць уяўленне беларускага народа пра абстрактнае паняцце ўвагі, праводзіцца фразеасемантычны, лінгвакультуралагічны і функцыянальны аналіз гэтых адзінак, ужытых у мове твораў пісьменніка. Выяўляецца ўласцівая ім культурная інфармацыя, перададзены і захаваны ўстойлівы каштоўнасны змест культуры беларусаў, вызначаюцца фразеасемантычныя групы, адрозныя бакі семантычна блізкіх дзеяслоўных фразеалагізмаў, што дазволіла аўтару сцісла, вобразна і дакладна ў кожным выпадку не толькі назваць дзеянне паводле адной агульнай прыкметы, але і пазбегнуць паўтораў, да месца скарыстаць пэўную адзінку адпаведна мэце і задачам твора, кантэксту. Устанаўліваецца ўзаемадзеянне мовы і культуры народа сродкамі фразеалогіі, адзінкі якой часткова рэпрэзентуюць цялесны код культуры беларусаў, ці адзін з фрагментаў фразеалагічнай карціны свету беларусаў.