Вобраз Польшчы на старонках заходнебеларускага сатырычнага часопіса “Маланка” (1926–1928 гады)

Abstract

У артыкуле разглядаецца вобраз Польшчы, сфарміраваны на старонках заходнебеларускага сатырычнага часопіса «Маланка». Аўтар прыходзіць да высновы, што гэты вобраз меў негатыўны характар, што стала вынікам палітыкі, накіраванай на поўную інкарпарацыю Заходняй Беларусі ў склад польскай дзяржавы і асіміляцыю беларусаў, якая праводзілася польскім урадам. Укараненне гэтага вобраза ў свядомасць беларусаў, якія з’яўляліся грамадзянамі Польшчы, садзейнічала іх этнанацыянальнай кансалідацыі і працавала на карысць захаванню пачуцця іх еднасці з беларусамі БССР, ствараючы тым самым неабходныя эмацыянальна-псіхалагічныя і ў пэўнай ступені ідэалагічныя перадумовы для ўз’яднання Беларусі і беларускага народа ў верасні 1939 г.