Інтарэсы Расіі ва ўмовах станаўлення Версальскай сістэмы ў сучаснай расійскай гістарыяграфіі

Abstract

У сучаснай расійскай гістарыяграфіі пры вывучэнні Версальскай сістэмы міжнародных адносін асаблівая ўвага надаецца вызначэнню ролі і месца Савецкай Расіі ў ёй. Расійскія гісторыкі робяць акцэнт на тым, што сярод заходніх палітыкаў не мелася адзінай палітычнай лініі ў адносінах да Расіі пры фарміраванні Версальскай сістэмы. Тым не менш, дамінуе пункт гледжання, згодна з якім краіны Антанты не былі зацікаўлены ў захаванні Расіі як адной з вядучых дзяржаў свету, яе тэрытарыяльнай цэласнасці. Іх палітыка прывяла да ператварэння Расіі ў «ізгоя» Версальскай сістэмы. Пры гэтым шэрагам даследчыкаў адзначаецца, што заходнія дзяржавы ўсё ж пакідалі за Расіяй апошняе слова пры вызначэнні яе межаў і не спяшаліся з прызнаннем ўскраінных дзяржаў.