Міфалагічныя ўяўленні беларусаў, звязаныя з жывёльным і раслінным светам

Abstract

У артыкуле на матэрыяле палявых этнаграфічных запісаў і прац беларускіх фалькларыстаў разглядаюцца міфалагічныя ўяўленні беларусаў, звязаныя з жывёльным і раслінным светам. Апісваецца асаблівае становішча дрэў (дуб, бяроза, асіна), траў (папараць, рута, палын), а таксама вобразы звяроў, птушак, паўзуноў і насякомых у народных вераваннях. Паказана, што падзел на “чыстых” і “нячыстых” не з’яўляецца абсалютным: нават праклятыя расліны і жывёлы могуць выконваць ахоўную функцыю. Гэтыя ўяўленні не былі адцягненымі разважаннямі – яны непасрэдна рэгулявалі паводзіны чалавека, яго забароны, лячэбныя практыкі і штодзённыя рытуалы.