Моладзь у прамысловасці Савецкай Беларусі ў гады ажыццяўлення новай эканамічнай палітыкі

Abstract

Праведзены аналіз становішча моладзі ў прамысловасці Савецкай Беларусі ў перыяд ажыццяўлення новай эканамічнай палітыкі (1921–1927 гг.). Акцэнт зроблены на дзейнасці дзяржавы, камсамола і прафсаюзаў па працаўладкаванні юнацтва на дзяржаўных і прыватных прамысловых прадпрыемствах, абароне правоў маладых рабочых. У артыкуле сцвярджаецца, што, нягледзячы на паступовае паляпшэнне матэрыяльнага становішча і рост прафесіяналізму рабочых юнакоў і дзяўчат, яны падоўгу затрымлівалася ў ніжэйшых кваліфікацыйных разрадах, часта былі заняты на некваліфікаванай працы. Агульная колькасць рабочай моладзі адносна колькасці ўсіх прамысловых рабочых заставалася невялікай, большасць юных рабочых былі яўрэйскай нацыянальнасці і працавалі ў дробнай прамысловасці.