Знахарская практыка ў сферы сельскай гаспадаркі ў Беларускім Палессі ў канцы XIX - пачатку XXI стагоддзя

Abstract

У артыкуле разглядаецца знахарская практыка ў сферы сельскай гаспадаркі ў Беларускім Палессі ў канцы ХІХ – пачатку ХХІ ст. Аўтар прыходзіць да заключэння, што ў знахарскай практыцы сельскагаспадарчыя функцыі «знаючых» з’яўляліся аднымі з важнейшых і традыцыйна засяроджваліся вакол найбольш важных заняткаў насельніцтва: вырошчвання збожжавых культур і развядзення буйной рагатай жывѐлы. Робіцца вывад аб зменах сельскагаспадарчых функцый знахароў пад уплывам мадэрнізацыі грамадства ў бок іх скарачэння, пачынаючы з 1930-х гг. Вынікам гэтага становіцца паступовае звужэнне знахарскіх функцый на працягу сярэдзіны – другой паловы ХХ ст. і захаванне ў знахарскай кампетэнцыі ў пачатку ХХІ ст. пераважна лячэння жывѐлы ад хвароб, якія, па агульнаму меркаванню, навуковай медыцынай не лечацца.