Вытокі гераічнага ў жанчыне (на прыкладзе твораў Васіля Быкава)

Abstract

У артыкуле прааналізаваны асобныя творы В. Быкава, у якіх аўтар па-мастацку асэнсоўвае вытокі гераічнага ў жанчыне падчас ВАв. Мэта даследавання – прасачыць адметнасць выяўлення вытокаў гераізму жаночых постацей у прозе В. Быкава. Навізна даследавання абумоўлена адсутнасцю грунтоўных напрацовак па заяўленай тэме. У артыкуле сцвярджаецца, што вытокі гераічнага ў жанчыне – у адчуванні пэўнай глыбіннай «народнай праўды», у спрадвечнай народнай міласэрнасці і ўласнай спагадзе. Гераізм жанчыны – і ў мацярынскім стаўленні да ўсяго жывога. Яна часам маральна мацнейшая за мужчыну, бо больш здольная захаваць сваю самасць, сутнасную жыццѐвую мудрасць і духоўную моц.