Жэставыя фразеалагізмы беларускай мовы з кампанентам галава

Abstract

У артыкуле на матэрыяле адной групы жэставых фразеалагізмаў, у аснове якіх ляжаць рухі галавы, выяўляюцца і аналізуюцца пэўныя жэсты ў іх пераасэнсаванні, што служаць чалавеку для ўтварэння другасных адзінак як найменняў, як правіла, псіхічнага стану. Фразеалагічныя адзінкі беларускай мовы з’яўляюцца самымі яр- кімі, культурна значнымі скарбамі мовы, здольнымі канцэнтравана выразіць адметнасці не толькі мовы, але і яе носьбітаў, іх светаад- чуванне, склад розуму, менталітэт. Нацыянальная маркіраванасць за- кадзіравана ва ўнутранай форме фразеалагізмаў, якая вызначае на- цыянальнакультурную спецыфіку ўсёй адзінкі, звязана з пэўным бачаннем карціны свету носьбітамі мовы, са звычаямі і павер’ямі, а так- сама з жыццёвымі сітуацыямі, што звязаны з тыпам мыслення і вобра- зам жыцця. Фразеалагізмы выключна дакладна і выразна перадаюць думку, выражаюць пачуцці, даюць характарыстыку і выражаюць ад- носіны. Сваім утварэннем фразеалагізмы абавязаны метафарычнаму мысленню чалавека.