Традыцыі вясельнай абраднасці ў ірландцаў на матэрыяле рэгіёна «contae thiobraid árainn, borough cluain meala»

Abstract

Пытанне аб асаблівасцях абрадавай заходнееўрапейскай паэзіі з’яўляецца актуальным і перспектыўным на сённяшні дзень. Мэта даследавання – высветліць асаблівасці ірландскай вясельнай абраднасці, паказаць разнастайнасць, своеасаблівую матывацыю ў традыцыйных абрадавых найменнях. Такое даследаванне дае падставы для параўнання культурных традыцый розных народаў, дае магчымасць прааналізаваць асаблівасці менталітэту беларускага і заходнееўрапейскага народаў і спрагназаваць будучае развіццё нацыянальнага і сусветнага фальклору ў межах кампаратывістыкі, што ў сваю чаргу, спрыяе захаванню культурнай спадчыны нашай краіны. Канкрэтныя ўмовы бытавання, культурныя асаблівасці і асаблівасці менталітэту народа напаўняюць вясельны абрад у кожным выпадку лакальным, мясцовым каларытам, які характэрны і для рытуалаў, і для своеасаблівых найменняў шматлікіх звычаяў і абрадаў.