Дом, які пабудаваў У. Арлоў

Abstract

Тэрмінам "міфалагема", уведзеным ў навуковы ўжытак К. Юнгам і К. Керэнье, пазначаюць універсальныя міфалагічныя сюжэты, вобразы, сцэны, якія шырока распаўсюджаны ў культурах розных народаў. Таксама міфалагемы разумеюць як свядома запазычаныя міфалагічныя матывы, перанесеныя ў свет мастацкай культуры. У свеце мастацкага твора міфалагема часта робіцца сюжэтаўтваральнай, уступаючы ў складаныя сувязі з хранатопам тэксту. Мэтай дадзенага артыкула з‘яўляецца даследаванне міфалагемы шляху ў аповесці "Дом з дамавікамі" У. Арлова. Для чаго патрэбна вырашыць наступныя задачы: вызначыць, якім чынам на сюжэт мастацкага твора ўплывае міфалагема шляху і акрэсліць сувязь некаторых яе аспектаў з хранатопам тэкста. У далейшым тэарэтычныя распрацоўкі функцыянавання міфалагем у мастацкім тэксце могуць быць звязаны з супастаўленнем іх і адпаведных культуралагічных катэгорый. У гэтым ракурсе цікава было б даследаваць адметнасці ў міфалагічных перавагах розных народаў, іх уяўленняў аб гарманічным светаўладкаванні.