Выяўленне спрадвечных сацыяльных роляў жанчын у лірыцы Л. Геніюш

Abstract

У артыкуле прааналізаваны паасобныя вершы Л. Геніюш, у якіх прасочваецца асэнсаванне паэткай прызначэння жанчыны, традыцыйных жаночых роляў, замацаваных у соцыуме: нявеста, жонка, маці, бабуля. Сцвярджаецца, што аўтарка не аспрэчвае наяўны стан рэчаў. Разам з тым лірычная гераіня некаторых вершаў лічыць, што жанчыны пры неабходнасці здольныя замяніць мужчын у ратнай справе. Даводзіцца, што ў шэрагу вершаў гучаць ноткі пратэсту супраць абмежавання дзейнасці жанчын прыватнай сферай. Паэзія Л. Геніюш не разглядалася айчыннымі літаратуразнаўцамі ў прапанаваным аспекце.