Алесь Разанаў як перакладчык з балгарскай і сербскахарвацкай моў

Abstract

У артыкуле даецца характарыстыка дзейнасці А. Разанава па перакладзе мастацкіх тэкстаў з балгарскай і сербскахарвацкай моў. Адзначаецца, што да паўднёваславянскай культуры пісьменнік звярнуўся яшчэ ў студэнцкія часы (у тым ліку вывучыў балгарскую мову), што якраз і паспрыяла з’яўленню перакладаў. Яны публікаваліся ў перыядычным друку, зборніках выбраных твораў пэўных аўтараў, анталогіях «Хай зорыць дзень!», «Сербская паэзія». Як выявілася, А. Разанаў працаваў і з рыфмаванымі вершамі, і з верлібрамі. Акрамя таго, веданне балгарскай мовы дазволіла пісьменніку перакладаць таксама з вельмі блізкай да яе македонскай.