Канцэпт «Веды» ў філасофіі Мішэля Фуко

Abstract

Артыкул прысвечаны канцэпту «Веды» ў філасофіі Мішэля Фуко. Упершыню ў айчыннай навуцы ўзнімаецца праблема наяўнасці ў творчасці французскага філосафа двух тэрмінаў для азначэння веды – «savoir» і «connaissance», і, на падставе ўласных тлумачэнняў Фуко, паказваецца дзеля чаго яму спатрэбілася гэтае разрозненне веды-savoir і веды-connaissance: якія эпістэмалагічныя і гістарычныя праблемы былі тым самым азначаны. Адметнасць падыходу Фуко да феноменаў веды і ведання праясняецца шляхам параўнання з сучаснай эпістэміялогіяй і характэрнымі хадамі думкі апошняй, апроч таго, адметнае стаўленне да веды як «гістарычнага апрыёры» з'ясняецца праз параўнанне з канцэптам Падзеі (Ereignis) у творчасці позняга Гайдэгера. Нарэшце, паказваецца як адметнае вызначэнне веды дае Фуко магчымасць наноў і больш глыбока прачытаць гісторыю новаеўрапейскай навукі і самога новаеўрапейскага ведання.